විදුහල්පති පණිවිඩය
අ/ශ්‍රී සුමංගල මහ විද්‍යාලය

 උතුරු මැද පළාතේ  ඇති පාසැල් අතරින් දිනෙන් දින ඉදිරියට යන අප පාසල අධ්‍යාපනික,  ක්‍රීඩා, සෞන්දර්ය අංශයන්ගෙන් විශිෂ්ටයන් බිහි කිරීම නිසා කලාපයේ මෙන්ම පළාතේ කීර්තිමත් පාසලක් බවට පත්ව ඇත. රටට ජාතියට වැඩදායි විශිෂ්ට දූ පුතුන් අති විශාල පිරිසක් බිහිකිරීමට සුමගුල් මාතාවට හැකි වී ඇත. ග්‍රාමීය පරිසරයකට උරුමකම් කියන පාසල් මාතාව අභියෝග රාශියක් ජය ගෙන දිනෙන් දින ඉදිරියට ම යාම අප ලද මහත් භාග්‍යකි.එවන්  මොහොතක නව ලෝකයට පාසල් දූ පුතුන්ගේ නෙත් විවර වීම අප ලද විශාල අභියෝගයක් මෙන් ම ජයග්‍රහණයක් බවත් අනාගත දරුවන් විශාල සංඛ්‍යාවක් මේ තුළින් සාර්ථකත්වය කරා යොමු වනු දැකීම අපගේ අපේක්ෂාවයි.මෙම කර්තව්‍ය සාර්ථක කර ගැනීම සඳහා උරදුන් පාසලේ  වෙබ් අඩවි කණ්ඩායමට හා මේ සදහා මගපෙන්වූ තොරතු තාක්ෂණ විෂය භාර ගුරු තුමාටත් මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.

විදුහල්පති,

අ/ශ්‍රී සුමංගල මහ විද්‍යාලය